 |
 |
 |
 |
|
 |
Fosnavåg med eigen Cognac Endeleg har Fosnavåg funne rett kvalitet på sin eigen Cognac.
På vårparten i år, kom Eli Beate Kvalsund frå vinimportøren Red & White, med smaksprøve frå cognachuset Roullet-Fransac. Deretter gjekk det fort, og no står dei fyrste 300 flaskene klare for sal, nummerert og i flotte gaveesker i tre. - Dette har vi hatt lyst til lenge, men vi fann ikkje noko cognac med den rette kvaliteten, fortel Otto Sande hjå Restaurant Fosnavåg Brygge. Fosnavaag Cuvee Speciale er ein utsøkt Cuvee som kjem fra hjartet av cognac; Grande Champagne. Smaken er rik og elegant, med aroma av tørka frukt, valnøtter, krydder og vanilje. Den er rund og kompleks med ein lang ettersmak. Fosnavaag Cuvee Speciale er ein cognac for kjennarar.  Otto Sande hjå Restaurant Fosnavåg Brygge syner fram Fosnavåg sin eigen cognac. - Denne cognacen hadde den kvaliteten og smaken vi var ute etter, responsen har allereie vore veldig bra, so eg har tru på denne cognacen, seier Sande til Herøynytt. Cognachuset Roullet-Fransac har vore i drift av familien Roullet sjølve sidan 1838, og dagens eigar, Georges, er femte generasjons Roullet. I ein XO skal inga bestanddel ha lågare enn seks års fatlagring. Roullet-Fransac lagar reine Cognacar med 70 års fatlagring. På etiketten av den ekslusive cognacflaska står fiskarkona og ser utover havet, med Runde i bakgrunnen, men for anledninga er ho flytta opp på knausen over Fosnavåg. Det vakre og fargerike maleriet er laga spesielt for anledninga av den lokale kunstnaren Arvid Urkegjerde. Ordførar Arnulf Goksøyr og forfattar Harald Thorseth har bidrege til teksta på baketiketten til flaska. Fosnavaag Cuvee Speciale er vald ut av Restaurant Fosnavåg Brygge i samarbeid med imoprtøren Red & White. Cognacen vil vere i sal frå 1. september. 
« Tilbake |
 |
MEININGSMÅLING 
ANNONSER |
||||
 |
Herøynytt er ei uavhengig nettavis for Herøy.
Kontoradresse: Holmsildgata 1, 6090 Fosnavåg
Postadresse: Postboks 187, 6099 Fosnavåg
Utgjevarselskap: Herøynytt AS
|
