 |
 |
 |
 |
|
 |
3 millionar til SOS barnebyer Ulstein Group har blitt hovudsamarbeidspartnar for SOS barnebyer. Konsernet skal gi eit bidrag på minimum 1 million kroner per år i 3 år.
 - Ulstein Group ønskjer å gå inn i eit langsiktig samarbeid med SOS-barnebyer for å kunne bidra til ei betring av born og unge sine oppvekstvilkår og utdanning. Den akutte situasjonen på Haiti har synt oss kor viktig det er med hjelp og gode støtteapparat for å bygge opp igjen samfunn etter kriser, seier HR-direktør Torild Bugge i Ulstein Group og held fram:- Vi ønskjer også å støtte prosjekt som geografisk ligg i tilknyting til der vi har aktivitet, det første prosjektet vi skal støtte blir difor ei revitalisering av SOS-barnebyen Porto Alegre i Brasil. Vi ønskjer å vise at vi bryr oss og vi håpar at vi kan skape endå meir engasjement og sosialt medvit både blant våre tilsette og våre samarbeidspartnarar, seier Bugge. 100 000 til Haiti I tillegg til treårsavtalen med fokus på barnebyen i Brasil har Ulstein Group også bestemt seg for å gi akutthjelp på 100 000 kroner til SOS-barnebyer på Haiti. Begge barnebyane på Haiti er bygde etter strenge krav og regelverk og vart ikkje råka av jordskjelvet. Dette betyr mellom anna at SOS-barnebyer på Haiti kan hjelpe mange born som har blitt foreldrelause etter katastrofa. SOS-barnebyer SOS-barnebyer er verdas største hjelpeorganisasjon for foreldrelause og forsømte barn. Til saman har dei 500 SOS-barnebyer verda over. Vidare har organisasjonen familieprogram som styrkar vanskelegstilte familiar og sikrar fleire born ein trygg heim. I tillegg driv SOS-barnebyer utdanningsprosjekt, medisinske senter og nødhjelpsprogram. Totalt gir organisasjonen dagleg hjelp til 1,3 millionar born og familiar. « Tilbake |
 |
MEININGSMÅLING 
ANNONSER |
||||
 |
Herøynytt er ei uavhengig nettavis for Herøy.
Kontoradresse: Holmsildgata 1, 6090 Fosnavåg
Postadresse: Postboks 187, 6099 Fosnavåg
Utgjevarselskap: Herøynytt AS
|
