 |
 |
 |
 |
|
 |
Storinnrykk i fineveret: Folkevandring til Runde - Kolossalt med folk, seier campingdrivar Knut Asle Goksøyr.
 Mange menneske fann vegen til Runde i løpet av den siste helga. Særleg sundagen var ein god dag for dei som lev av turistbesøket ut mot fuglefjellet. - Det var kolossalt med folk i fjellet og vi hadde om lag 200 overnattingsgjestar, fortel Knut Asle Goksøyr som driv Goksøyr Camping på øya. - På det jamne Godt besøk gjer godt for ein hardt prøva turistnæring. Men trass finanskrise og labert sommarver meiner Goksøyr besøket for heile sesongen vert på det jamne. På ein vanleg sesong har plassen om lag 10-12.000 gjestedøgn. - Det har ein tendens til å jamne seg ut, men då veret stod på som verst måtte me sende frå oss folk. Det var nesten ikkje råd å sette opp telt på grunn av flaum, held han fram. Færre frå øst og sør På grunn av vanskelege økonomiske tider fleire stader på kontinentet, merkar campingdrivarane ei viss endring i besøket. - Det er færre sør- og østeuropearar, og litt færre tyskarar. Vi har 15-17 nasjonalitetar på besøk kvar dag, og dei tysktalande er framleis i fleirtal, seier Goksøyr. Frå Sveits Oppe i fjellsida møter Herøynytt familien Röthlisberger frå Sveits som har vore to veker i Norge allereie. Etter å ha vore i Bergen, Oslo og Sognefjorden er dei imponert over Runde. - Vi kjem fyrst og fremst for å sjå fuglane, fortel Helen. - Utsikta er flott, meiner sonen Daniel. Familien leita seg fram til Runde-besøket på internett. - Vi har ikkje slike fuglefjell og landskap heime i Sveits, avsluttar familiefaren Daniel.  Familien Röthlisberger frå Sveits (t.v.) er mellom dei som har teke turen til Runde dei siste dagane. « Tilbake |
 |
MEININGSMÅLING 
ANNONSER |
||||
 |
Herøynytt er ei uavhengig nettavis for Herøy.
Kontoradresse: Holmsildgata 1, 6090 Fosnavåg
Postadresse: Postboks 187, 6099 Fosnavåg
Utgjevarselskap: Herøynytt AS
|
