 |
 |
 |
 |
|
 |
Søre Sunnmøre Gjennvinning konkurs Sju tilsette kan misse jobbane sine.
Styret i Søre Sunnmøre Gjenvinning AS har gjort vedtak om å melde selskapet konkurs. Det opplyser selskapet i ei pressemelding sendt ut tysdag. Dei sju tilsette i selskapet risikerer no å miste jobbane sine. - Det avhenger av kva bostyret kjem fram til, seier styreleiar Jan Arild Roppen til Herøynytt. Selskapet som óg opererar under namnet Retura Ulstein, har hatt ansvaret for avfallshandtering for næringskundar i Herøy, Sande, Ulstein og Hareid. Tek i mot avfall Styreleiaren oppfordrar næringskundane til å ta kontakt med dei som har brukt å transportere konteinarane slik at dei kan gjere ein avtale om å transportere avfall til anlegget i Saunesmarka i Ulstein. - Dei tilsette tek mot alt unnteke matavfall og farleg avfall frå næring, opplyser Roppen. Snarleg avklaring Styreleiinga ser ikkje heilt bort i frå at det kan vere grunnlag for ny drift, men avventar inntil vidare ei avgjerd frå bostyrar og tingretten. -Vi håper å kunne gi eit svar innan eit par dagar, fortel Roppen. I pressemeldinga frå selskapet heiter det at styret ikkje fann grunnlag for vidare drift etter at eigenkapitalen er tapt. Etter at Søre Sunnmøre Reinhaldsverk (SSR) trakk seg som aksjonær frå selskapet, fann den andre aksjonæren - Retura Trondheim Renholdsverk AS –ikkje grunnlag for å drifte selskapet vidare. « Tilbake |
 |
MEININGSMÅLING 
ANNONSER |
||||
 |
Herøynytt er ei uavhengig nettavis for Herøy.
Kontoradresse: Holmsildgata 1, 6090 Fosnavåg
Postadresse: Postboks 187, 6099 Fosnavåg
Utgjevarselskap: Herøynytt AS
|
