Vakre sommarblomster i full flor, men óg gatebilde med regn og paraplyar er mellom motiva til Grethe Berge.

Grethe Berge er ny gjesteutstillar i minigalleriet til galleri EogE i Fosnavåg i august. Utstillinga opnar laurdag 31. juli, opplyser galleriet.

Grethe Berge er født i Bergen i 1936, men har også sine røtte til Hareid. Ho er framfor alt gledas, sommarens og blomsterens malar.

- Jeg maler fordi jeg elsker det. Lerretet, paletten og farvene er viktige deler i mitt liv, seier kunstnaren sjølv.

Då får vi sjå vakre sommarblomster og blomsterenger i fullt flor, men også nokre gatebilde med regn og paraplyar. Det er vel noko som er kjent for oss alle no denne sommaren, både flotte blomsterenger i solskin, men også regnbyene.

Grethe har malt i 27 år og ved sida av har ho hatt kurs i maling i Noreg og Portugal. Ho har sjølv deltatt på malarskule i Frankrike. Ho malar både i olje og akryl. Ved galleri EogE har dei óg nokre grafiske trykk utan ramme, for dei som vil ramme inn sjølv.