Mange tok turen til Kvalsvika under arrangementet i fjor. Laurdag 7. august brakar det laust igjen.

Kvalsvikdagen går av stabelen laurdag 7. august med skøy og moro for unge og eldre.

Arrangementet tjuvstartar allereie fredag kveld med steelgitar-konsert med David Hartley og Fran Allum i teltet i vasskanten.

Laurdag vert det fallskjermhopping – vel og merke om vergudane står dei bi, saman med paragliding frå Nerlandshornet. Dei som ønskjer kan óg få seg ein luftetur med helikopter til Svinøya.

Elles vert naustrekka fylt med ulike utstillingar i tillegg til vassport, hesteturar,  linedance og auksjon.

Kåre Kvalsvik held kåseri og Paul Teige fortel historier, før det heile avsluttast om kvelden med utedans med Odd-Kåre Fløtre & co.