Ulmatec kjøper Stavanger-selskapet Cetix.

Cetix er eit teknologikonsern med lang og internasjonal erfaring innan olje- og gassindustrien. Det er eit holdingselskap med datterselskap lokalisert i Stavanger, Storbritannia og Litauen.

- Dette oppkjøpet styrkar selskapa sine tenestetilbod og kapasitet overfor energi- og offshoreindustrien, seier adm. dir. i Cetix, Arne Sørbø.

Han legg til at oppkjøpet var eit naturleg steg.

- Våre organisasjonar kjenner kvarandre godt allereie. Vi har hatt eit spesielt fruktbart samarbeid  på LARS-system (handteringsystem for ubemanna miniubåtar).

Ulmatec har som filosofi å investere i og utvikle industriarbeidsplassar og kompetansemiljø lokalt for å nå ut til ein internasjonal maritim marknad.

- Med oppkjøpet av Cetix ønskjer vi i fellesskap å bygge ein sterk maritim gruppering med norsk eigarskap som tilbyr kvalitetsprodukt og den beste servicen på marknaden, seier konsernsjef Stig Ulstein i Ulmatec.