Av dei seks som søkte på stillinga som rådmann i Herøy, etter at Rune Sjurgard vart rådmann i Volda, satsar Herøy kommune på Erlend Krumsvik (41) frå nettopp Volda.

Valet er ikkje klart før kommunestyret har teke stilling til saka, men formannskapet vart eintydig einige bak lukka dører denne veka.

- Vi hadde ein liten gjennomgang av dei tre kandidantane som gjekk til siste runde, seier ordførar Arnulf Goksøyr til Vestlandsnyt, som har fått stadfesta at Krumsvik tek stillinga om han får tilbodet.

Krumsvik må truleg slutte i vervet sitt som KrF-politikar i Volda.

– Eg ser at det kan komme interessekonfliktar og i ein slik stilling må eg vere Herøy sin mann i alle saker. Det vil vere uheldig om ein kan trekke rådmannen sin habilitet i tvil, seier Krumsvik til smp.no.