 |
 |
 |
 |
|
 |
Sommarens motar og trendar står for dør Butikkane på Fosnavåg Brygge inviterar til show komande torsdag. Då skal sommarens motar og trendar presenterast.
Vi har fått kike litt på kva butikkane har å by på, og kva som er årets mote og trend. Overalt går 50-tals stilen igjen, samtidig som "alt" er lov både når det gjeld bekledning og hårsveis. Til born er det fortsatt populært med rosa og lyseblått, men også nye fargar er på veg inn i butikkane. - Oransje, lime og turkis er svært populære fargar på barneklè i år, fortel Henriette Hansen ved Liten & Stor. Også Tonje Kopperstad ved Match Fosnavåg fortel om spreke fargar. - I år er alt lov, og fargane strekkjer seg frå jordfargar til skarpe og spreke nyansar. Samtidig er 50-talet på veg inn igjen, med stripete genserar og prikkete kjolar, fortel Kopperstad. - Klesmoten spelar i år også litt vidare frå i fjor. Jean Paul har fortsatt marinefargar på både dame og herre, medan det går i svart og grått på andre merker, legg ho til. Ungdom skal i år vere litt tøffe og rocka, og skal ein vere heilt "in" bør ein satse på smale bukser og kle som minner om 50-, 70- og 80-talet. - Mange merkeklede har bukser som er smale også til menn, men til no er det få karar som tør gå i denne typen bukser, seier Kopperstad med eit lurt smil.  50-talet går igjen Som vi ser på dei fleste butikkane går 50-talet igjen stort sett over alt. Også ved Expert finn vi spreke fargar, men her er det enkelheit og brukarvenlegheita som tel. Dei elektriske apparata skal ha minst mogeleg knappar, og ting skal vere heilt enkle. I butikken finn vi fleire apparat som appelerar til 50-talet, men totalt sett er det svart og børsta stål som dominerar. Anita Beddari ved sminke- og undertøysforretninga Monita fortel at undertøy i år skal vere duse og varme, og gjerne ha mange striper og fargar. - Undertøy har lenge vore einsfarga no, men meir og meir fargar er på veg inn i butikken, fortel Beddari. Blant badeklè finn vi igjen den omtalte 50-talsstilen, men i ei meir moderne utgåve. Årets sminke, eller makeup som det heiter på fagspråket, er avhengig av årstida. - Ein har makeup for både vår og sommar, men nytt av året er både lilla og brune nyansar, seier Beddari. Perler og "blingbling" Helene Remøy ved Gullåren Fosnavåg fortel at det i år er mykje perler og sølv på smykker, sjølv om gull fortsatt er populært. - Smykker er gjerne store, og er veldig blanke og skinande. Vidare finn vi smykker med store perler og sølv med store steinar, fortel Remøy. Også klokkene skal vere store, men her er det "blingbling" som tel. Remøy fortel at mange kommenterar kor store alle klokkene er, men skepsis møter ein ofte når nye trendar er på veg inn. Alt er lov Frisørane kan fortelje at alt er lov, og at frisyrene som er på mote no er veldi variert. - Det gjeld å finne sin stil, fortel Tanja Ørnhaug Solem ved Saxett. Vidare fortel ho at det har blitt svært populært med forlenging av hår. Også mennene har blitt meir villige til å eksperimentere med frisyren. - Herrane både stylar og fargar hår oftare enn før, noko som viser at dei er villige til å gjere meir med håret enn før, seier Tanja. Blant kvinnene har den velkjente bobfrisyra blitt populær igjen. Show på senteret Komande torsdag klokka 18.00 får ein sjå meir av sommarens motar og trendar på Fosnavåg Brygge. Då er det nemled duka for ein time langt show i senterlokala. - Det blir catwalk med visning av motar og trendar frå alle butikkane på senteret, og halvvegs i showet blir det innslag av dans frå Malin Igesund og Anne Marthe Remøy, seier Henriette Hansen i planleggingsgruppa på Fosnavåg Brygge. Vidare får vi opplyst at det ikkje berre er sommarmote som står på plakaten, men også brudekjolar frå Skattekista si avdeling i Førde vil bli presentert. - Etter showet blir det tid til å ta ein kik innom kvar enkelt butikk. Senteret held ope til 21.00 slik folk får tid etter showet, avsluttar Hansen. « Tilbake |
 |
MEININGSMÅLING 
ANNONSER |
||||||
 |
Herøynytt er ei uavhengig nettavis for Herøy.
Kontoradresse: Holmsildgata 1, 6090 Fosnavåg
Postadresse: Postboks 187, 6099 Fosnavåg
Utgjevarselskap: Herøynytt AS
|
