Illustrasjonsbilde
            (Foto: Nikolas Farstad)

IllustrasjonsbildeFoto: Nikolas Farstad

Minnemarkering etter Bourbon Dolphin-ulukka:

– Forliset pregar framleis offshoremiljøet

Onsdag 12. april blir det heldt minnemarkering i Herøy kyrkje etter Bourbon Dolphin-forliset.

Markeringa er ope for alle og pårørande etter dei omkomne, overlevande og familiane deira er spesielt invitert. Markeringa skjer på dagen ti år etter at offshoreskipet forliste.

Ordførar Arnulf Goksøyr fortel til smp.no at det blir korsong, solosong og tenning av lys, medan sokneprest Bjørn Leinebø skal leie seremonien. I tillegg skal noverande Bourbon-direktør Bjørn Idar Remøy og ordføraren sjølv seie nokre ord.

Seremonien startar tidleg onsdag ettermiddag og mellom anna deltek representantar frå Sjømannskyrkja, som bistod etter forliset i 2007.

– Forliset pregar framleis offshoremiljøet på Sunnmøre. For mange er det ein sorg som aldri går over, men vi håpar denne markeringa kan gjere noko godt midt i alt det vonde, seier Ole Dagfinn Sky til Sjømannskyrkja sitt eige magasin.

Sky deltek saman med Jostein Handal frå Sjømannskyrkja. Reiarlaget Bourbon Offshore, Herøy kommune og Herøy kyrkje er dei som elles står bak arrangementet.

Åtte menneske omkom då offshoreskipet forliste utanfor Shetland 12. april 2007.


Bourbon Dolphin-forliset

Dette skjedde då «Bourbon Dolphin» gjekk ned

Kraftig sidevegs vind og straum under operasjonen gjorde at skipet dreiv av. Til slutt miste mannskapet kontrollen. Skipet kantra. Åtte personar omkom.

 

Bourbon-ulukka har endra skipsdesignen

Eit blikk på dei nye ankerhandteringsskipa til Maersk og 2006-bygde Bourbon Dolphin viser korleis designarar tenkjer annleis etter ulukka der offshoreskipet kantra.

Meir å lese på Herøynytt:
Leses nå:

Årets Gaselle i Møre og Romsdal

RS-Systems fra Fosnavåg er årets gaselle-bedrift i Møre og Romsdal.

Uavklart for «Sett Sjøbein»

«Sett Sjøbein» er usikre på om dei er med i neste års statsbudsjett.

Mykje torskeyngel i nord

Etter to labre år er det no mykje torskeyngel i Barentshavet, melder Havforskningsinstituttet.

Opsjon for «Havila Clipper»

Mærsk Olie og Gas har, ikkje uventa, erklært seks månaders opsjon for PSV-fartøyet «Havila Clipper», melder Havila Shipping onsdag morgon.